歡迎來到中國娛樂網!
袁詠儀(靚靚)近日再為娘家開工,與一班老姜藝人如戚美珍等合拍新劇《金錢誘罪》,股市日日跌對大把工作的靚靚毫無影響,早前更被指豪花10萬元為囝囝張慕童(魔童)開兩歲生日會,可見靚靚對寶貝仔何其溺愛,12月11日下午,記者見她抱囝囝與父母到IFC閑逛,身穿合共2,500元名牌的百厭魔童不斷整蠱母親,把玩靚靚用作掩遮素顏的黑超,又周身瘋狂扭計,讓5呎6吋的靚靚差點甩手,抱得甚為吃力,要不斷哄著才能令兒子靜一靜。
袁詠儀高齡誕下張慕童(魔童)后,老公張智霖(Chilam)變得收心養性,時光飛逝,魔童已兩歲大,精靈又活潑,模范家庭令人羨慕不已。
難得張氏夫婦收入穩定,靚靚在內地拍劇6萬元一集,張智霖則長做長有,儲備甚多的他還打算明年置業,但講到帶孩子的手法仍有待改進。
[page_break]
魔童扭計
12月11日下午,記者見靚靚手抱全身名牌的囝囝現身中環IFC,同行還有靚靚父母和魔童的表哥,只見魔童不停把玩靚靚臉上的墨鏡,又除又戴,玩得不亦樂乎,眼鏡不斷在靚靚眼前晃動,忍無可忍的靚靚終出手搶回眼鏡,但囝囝當堂出盡力扭計,兩母子把墨鏡搶來搶去,靚靚無奈唯有任得素顏殘樣曝光,公公婆婆見狀,無理,由得魔童。
[page_break]
扭計扭出癮的魔童見媽咪無奈,居然一臉得意,還愈扭愈過癮,在靚靚身上周身凌亂,令5呎6吋身高的靚靚險些甩手,抱得甚吃力的她,好不容易才行到停車處,當發現有記者采訪,靚靚即一面拉上愛兒身上價值1,500元的A Bathing Ape外套帽子,一面力抱囝囝,身旁的婆婆亦出手護乖孫,構成一幅甚溫馨的“婆媽圍魔童圖”。
[page_break]