歡迎來到中國娛樂網！
踢出豪宅 沒收寶馬
星期一住LV 的DoDo 去到銅鑼灣做gym ，對于有關呂方的問題一概唔肯響應。
鄭裕玲（DoDo ）與呂方拍拖十六年，上星期「女方」突然自爆與呂方玩完，正式結束這段「姊弟戀」，并聲稱今次分手沒有涉及第三者及金錢。
但據可靠消息指，DoDo 今次掟呂方，甚至絕情到連車都收番，主要原因是一直睇錢大過天的DoDo 錯信呂方，令她在今次「金融海嘯」中損失慘重，慘蝕幾千萬，結果一怒之下，DoDo 決定狠心分手！
呂方表示去年原本有結婚的打算，但因為DoDo 唔肯，結果由結婚變成分手收場。
女尊男卑
年屆五十一歲的鄭裕玲（DoDo ）與四十六歲的呂方，由開始拍拖一直未有被外界睇好，除了年齡有差距，事業成就同身家方面，DoDo 都遠遠超越呂方十萬八千里，然而，這種「女尊男卑」情況，未有影響二人關系，十六年一直相安無事，DoDo亦樂于關照長期處于半退休狀態，無撈的男友。
近年工作量近乎零，終日無所事事的呂方，幾年前開始沉迷炒股，而向來屬于穩陣派，視錢如命的DoDo 對于炒股這類風險投資，多年來都甚少沾手，頂多只會買樓保值。她亦曾表示住現金最實際，唔會隨便炒股。
70萬獎賞
不過，眼見男友早兩年在股票市場中賺唔少，加上呂方不斷慫恿，認為股票最易賺快錢，原本已經搵夠上岸，為興趣打工的DoDo ，終于受，開始放水讓呂方幫她買股票。
「最初DoDo 都唔敢好搏，凈系好少錢出，但系點知話咁易就賺到一大筆，于是佢就越買越狠，仲動用埋佢呢十幾廿年拍戲搵落筆老本出，信曬呂方俾佢投資。上年賺好多錢，DoDo 仲買架差唔多七十萬寶馬俾呂方當獎勵；點知一個金融海嘯，佢起碼唔見幾千萬。」知情者透露。
日飲夜飲
為此，令DoDo 同呂方經常炒大鑊，DoDo 不停埋怨呂方令她蝕入肉，兩人關系逐漸決裂，同時，亦經常發現呂方約埋朋友由晏晝開始飲酒，飲到夜晚，全程愁眉苦臉，心事重重。
還未正式宣布分手的DoDo ，在上星期四出席記者會時，對住大班記者表現得十分開心，完全唔察覺她與男友剛分手。
在兩星期前，DoDo 忍無可忍，決定要趕呂方走，下逐客令要他盡快搬離她位于淺水灣的Manhattan Tower 豪宅。
呂方臨時臨急執走少量行李，租住月租約萬多元的紅磡海韻軒服務式住宅，至于DoDo 送他作為獎賞的寶馬，雖然是以呂方名下的「呂方有限公司」持有，但上星期DoDo 亦決定要沒收。上星期六（廿五日），呂方交托朋友，代為將寶馬駛回DoDo 淺水灣寓所停車場，泊在DoDo 的坐駕旁。
向來有潔癖的DoDo 連車都要戴手套，加上對人對事要求高，唔系人人頂得順。
提蝕錢變臉
上星期四（廿三日），分手消息還未正式曝光，DoDo 出席《翡翠歌星賀臺慶》記者會時，發現她消瘦不少，但她依然扮到若無其事，在臺上繼續講笑；不過，當她接受無《東張西望》訪問時，被問到近期股市大波動，有否損失？DoDo 即刻變臉，「梗系有損失啦！（損失有幾多？）唉！唔好提啦，唔好問呢喇，唔想講呀！」之后，DoDo 更撥開主持，自行中止訪問。
本星期一（廿七日），DoDo 如常一早八點半由屋企出發到銅鑼灣利園做gym ，她在停車場發現有記者影相，隨即氣沖沖走埋記者身邊，叫記者唔好再跟她，唔好再在她寓所樓下等，當記者問到有關呂方問題，她一律拒響應唔出聲，臨入前，她又喝止記者：「你（記者）唔系諗住跟埋入，我而家去做gym ，度只招待女人，系私人會所，你跟都無用。」DoDo 在健身室一直逗留至下午四點鐘，才離開返回寓所。
去年呂方在紅館舉行四場演唱會，DoDo 以女友身份全程在后臺幫男友打點。
自力更生
至于失去了大靠山的呂方，開始要重新落手落腳搵錢，一直唔愿做的他，最近突然發憤，主動搵經理人丘亞葵撈，要對方幫他安排大量工作，全速賺錢。
本星期日（廿六日），丘亞葵安排呂方約見北京制作人，洽談工作事宜。
而之前因為投女友所好，經常與DoDo 一齊做運動的呂方，在沒有機會被DoDo 威逼下，疏于運動，加上經常飲酒，當日所見，身形明顯暴脹，肚腩呈現。當被問到與DoDo 結束十六年感情，及有傳半年前結識了一名圈外女友時，他未有回應。
